Stephenson spar soos toe die gebou nog in aanbou was (Foto in biblioteek gekry)

Stephenson spar soos hy vandag lyk

Meer inligting en fotos van hierdie omgewing en plek sal volg.

Ek vra toe rond en iemand verwys my na die volgende str waar oom Dirk Stoltz bly. Ek gaan klop aan en die tannie wat oopmaak se nee oom Dirk is by een van die huise doenig waar hy groente plant. Na ‘n soektog kry ek hom by die ou Iscor club waar hy ‘n stukkie grond huur en groente plant.

Oom Dirk met vars geplukte uie uit sy tuin. Oom Dirk is 82 jaar oud en ‘n merkwaardige oom, Vir my lyk hy nie ouer as 65 nie, sterk en fiks, hy bewerk 4 tuine op sy eie, Nou die wat die area daar ken, dit is arm en die werkloosheid syfer is hoog, Oom Dirk plant groente en hy gee vir baie kos,  ja hy verkoop ook aan die wat dit kan bekostig, maar hy gee vir die sopkombuis, hy gee vir wie ook al kos nodig het.

Na ons geselsie, en ek begin dink aan hoe baie keer ons nie dankbaar is nie en hoe baie keer ons kla, dan is hierdie oom vir my ‘n voorbeeld van gee tot dit seermaak. Toe ons by sy huis klop was dit donker binne, hy se toe dat hy liewer geld in groente en kunsmis sit om vir mense kos te gee as om sy eie elektrisiteit te betaal.

Ek ry in stilte weg, stadig, wou hom nog so baie vra maar ek kon nie, ek dink, ek wonder, is hierdie oom vir ‘n rede dalk op my pad geplaas... meer van die oom later,

Ek ry af in Linde straat en daar is ‘n ou swart kar wat onder ‘n afdak staan, ek klop, niemand tuis en los ‘n nota. Verder af in die straat ontmoet ek vir Oom Jacob en Tannie Anna Erxlieben.

Daar is min plekke nog in ons land waar jy sorgeloos buite op die stoep kan sit, Oom jacob vertel my van sy groot word in Vanderbijlpark en sy werk. Hy wys vir my sy Vye boom agter in die erf 38 jaar oud,

Hy gee ook vir my verskeie ou fotos onder andere hierdie een van sy broer wat in die ou dorp stap dit is een wat ek later gaan hernuwe, merk die blink die skoene.